Við erum Þórunn og Valdís - dýralæknir og aðstoðarkona sem hafa mikinn áhuga á að veita persónulega, aðgengilega og rólega þjónustu við gæludýr í heimahúsum á höfuðborgarsvæðinu með það að leiðarljósi að dýrin séu eins streitulaus og mögulegt er við meðhöndlun.

Þórunn hefur starfað sem dýralæknir síðan hún útskrifaðist árið 2020 frá dýralæknaháskólanum í Kosice, Slóvakíu. Hún starfaði fyrstu árin sem almennur læknir á smádýraspítala og nú einnig við bráðaþjónustu. Hún stundar nú framhaldsnám í lyflæknisfræði til að auka þekkingu í greiningu og meðferð helstu sjúkdóma hunda og katta. Hún hefur mikinn áhuga á lyflæknisfræði og bráðalækningum.

Valdís hefur starfað sem aðstoðarkona dýralæknis í 6 ár og séð um ýmislegt á þeim tíma, meðal annars að fylgjast með lífsmörkum hunda og katta í aðgerðarsvæfingu, sinna innlagnarsjúklingum, almennar ráðleggingar í síma og allt annað tilfallandi sem læknir gæti þurft aðstoð með. Hún mun sjá mest um rekstur fyrirtækisins en einnig vera innan handar í öllum vitjunum þar sem gæti þurft fleiri hendur, til dæmis þegar taka á blóðprufur eða önnur sýni, minniháttar aðgerðir og slíkt.